Banhat despuish la mia vaduda dens la musica tradicionau gascona, que soi apassionat per aquera musica, los ritmes qui envia, las melodias qui se'n desgatjan, los ligams indefectiblas a la dança e au partatge.

 

    Baigné depuis mon plus jeune âge dans la musique traditionnelle gasconne, je suis passionné par cette musique, les rythmes qu’elle envoie, les mélodies qu’elle dégage, ses liens indéfectibles à la danse et au partage.

 

A 5 ans, que comenci per apréner la flabuta a la calandreta de Lescar, puish a l'escòla de musica de Monenh. En 2013, qu'obtieni lo D.E.M [Diplòma d'Estudis Musicaus] au Conservatòri a Raionament Departamentau de Pau. En 2016, un Diplòma d'Estat e ua Licéncia de Musicologia au Pòle d'Ensenhament Superior de Musicas e de Dança de Bordèu.

 

À 5 ans, je commence l’apprentissage de la flabuta à la Calandreta de Lescar, puis à l’école de musique de Monein. En 2013,  j'obtiens le DEM [Diplôme d’Études Musicales] au Conservatoire à Rayonnement Départemental de Pau. En 2016, un Diplôme d’État et une Licence de Musicologie au Pôle d'Enseignement Supérieur de Musiques et de Danses de Bordeaux.

 

Que soi uei lo dia cantaire e multi instrumentista, que jògui flabuta e tamborin, baisha electrica e percussions. Practicas divèrsas qui'm permeten de teisher ligams enter diferents estilles musicaus que siin acostics o electrics.

 

Je suis aujourd’hui chanteur et multi-instrumentiste, je joue de la flabuta [flûte à trois trous] et du tambourin à cordes, de la basse électrique et des percussions. Des pratiques diverses qui me permettent de tisser des liens entre les différents styles musicaux qu’ils soient acoustiques ou électriques.

 


Despuish la fin deus estudis que'm consacri sancerament a la creacion e a l'empont. Trencadit, quartet creat en 2015, qu'ei un grop de bal alternatiu neurit de sonoritats ròck.

Le Plaque qu'ei un trio creat en 2017 dab Martin Lassouque e Alexandre Seli. En 2018 que participi a la creacion deu "Bal Del Lop" au costat de Clément Rousse e Guillaume Lopez.

 

Depuis la fin de mes études je me consacre entièrement à la création et à la scène. Trencadit, quartet créé en 2015 est un groupe de bal alternatif nourri de sonorités rock.

Le Plaque est un trio créé en 2017 avec Martin Lassouque et Alexandre Seli. En 2018 je participe à la création du "Bal Del Lop" aux côtés de Clément Rousse et Guillaume Lopez.

 

Per jo la musica tradicionau qu'ei en constanta evolucion. E, dab los mens mejans, qu'amii ua aute vision deu jòc e de l'escota d'aquera musica [efèits, mesclas d'estiles musicaus...]. Ua apròchi diferenta shens per tan deshar's de çò qui m'ei estat transmetut, de la cultura qui m'atormèra despuish la mia vaduda [a casa, a la cantèra deu Carnaval, a l'escòla, dens las hèstas...]

 

Pour moi la musique traditionnelle est en constante évolution. Et, avec mes moyens, j'apporte une autre vision du jeu et de l'écoute de cette musique [effets, mélanges de genres musicaux...]. Une approche différente sans pour autant se défaire de ce qui m'a été transmis, de cette culture qui m'entoure depuis ma naissance [à la maison, aux cantèras du Carnaval Biarnés, à l'école, dans les fêtes...]

 

Los Sauts Bearnés sus la plaça deu heralh a Pau, a la hauta deus pairs, los hestenaus numerós qui visiti, los encontres artistics hèits suu camin... qu'obsèrvi, que retieni lo mei d'informacions possible per me'n neurir e perpausar ua intencion artistica e ua musica coerenta e sincèra.

 

Les Sauts Béarnais sur la place du Foirail à Pau, dans les bras de mes parents, les nombreux festivals que je visite, les rencontres artistiques faites sur la route… J'observe, retiens le plus d'informations possible pour m'en nourrir et proposer une intention artistique et une musique cohérente et sincère.

 

 

 


Qu'ei avut l'astre de costejar e d'encontrar personalitats de las hòrtas dens las musicas tradicionaus e d'apréner dab eths. En purmèr lòc, lo men pair, Joan Francés Tisnèr. Puish pendent lo men cursus, Papeth [Jean Baudoin], Lucia Longué, Matèu Baudoin, Pascal Caumont, Mixel Etxekopar, Matiu Dufau ...

Mes tanben sus l'empont o aulhors, Roman Baudoin, Guillaume Lopez, Manu Théron, Simon Guillaumin ...

 

J'ai eu la chance de côtoyer et de rencontrer de fortes personnalités des musiques traditionnelles et d'apprendre avec eux. En premier lieu, mon père, Joan Francés Tisnèr. Puis au cours de mon cursus, Papeth [Jean Baudoin], Lucia Longué, Matèu Baudoin, Pascal Caumont, Mixel Etxekopar, Matiu Dufau ...

Mais aussi sur scène ou ailleurs, Romain Baudoin, Guillaume Lopez, Manu Théron, Simon Guillaumin ...