Jordan Tisnèr

Musician - Cantaire

 

    Banhat despuish la soa vaduda dens la musica tradicionau gascona, Jordan Tisnèr qu'ei apassionat per aquera musica, los ritmes qui envia, las melodias qui se'n desgatjan, los ligams indefectiblas a la dança e au partatge.

 

 

 

A 5 ans, que comença per apréner la flabuta a la calandreta de Lescar, puish a l'escòla de musica de Monenh. En 2013, qu'obtien lo D.E.M [Diplòma d'Estudis Musicaus] au Conservatòri a Raionament Departamentau de Pau. En 2016, un Diplòma d'Estat e ua Licéncia de Musicologia au Pòle d'Ensenhament Superior de Musicas e de Dança de Bordèu.

 

 

 

Qu'ei uei lo dia cantaire e multi instrumentista, que jòga flabuta e tamborin, baisha electrica e percussions. Practicas divèrsas qui e'u permeten de teisher ligams enter diferents estiles musicaus que siin acostics o electrics.

 

 

 

 


Despuish la fin deus sons estudis que's consacra sancerament a la creacion e a l'empont. Trencadit, quartet creat en 2015, qu'ei un grop de bal alternatiu neurit de sonoritats ròck.

Le Plaque qu'ei un trio creat en 2017 dab Martin Lassouque e Alexandre Seli. En 2018 que participa a la creacion deu "Bal Del Lop" au costat de Clément rousse, Guillaume Lopez e Eric Sabathier.

 

 

Per Jordan la musica tradicionau qu'ei en constanta evolucion. E, dab los sons mejans, qu'amia ua aute vision deu jòc e de l'escota d'aquera musica [efèits, mesclas d'estiles musicaus...]. Ua apròchi diferenta shens per tan deshar's de çò qui li ei estat transmetut, de la cultura qui l'atormèra despuish la soa vaduda [a casa, a la cantèra deu Carnaval, a l'escòla, dens las hèstas...]

 

 

 

Los Sauts Bearnés sus la plaça deu heralh a Pau, a la hauta deus pairs, los hestenaus numerós qui visita, los encontres artistics hèits suu camin... qu'obsèrva, que retien lo mei d'informacions possible per se'n neurir e perpausar ua intencion artistica e ua musica coerenta e sincèra.


 

 

 

 

Jordan qu'a avut l'astre de costejar e d'encontrar personalitats de las hòrtas dens las musicas tradicionaus e d'apréner dab eths. En purmèr lòc, lo son pair, Joan Francés Tisnèr. Puish pendent lo son cursus, Papeth [Jean Baudoin], Lucia Longué, Matèu Baudoin, Pascal Caumont, Mixel Etxekopar, Matiu Dufau ...

Mes tanben sus l'empont o aulhors, Roman Baudoin, Guillaume Lopez, Manu Théron, Simon Guillaumin ...